Aparecen placas de chapapote do 'Prestige' en Muros e Carnota

Técnicos do Centro para a Prevención e Loita contra a Contaminación marítima de Medio Ambiente localizaron onte placas de chapapote na praia de Louro en Muros e na de Carnota e confirmaron que proveñen do primeiro vertido do ‘Prestige’ que, debido a que se produciu durante un forte temporal e condicións meteorolóxicas "extremas" foron tapadas e quedaron ocultas por varias capas de area. Non obstante, e tal e como denunciou Adega, os fortes ventos do temporal rexistrado estes días no litoral galego deixaron ó descuberto estas placas de chapapote "de diferentes tipos de tamaño". Pola contra, a Consellería de Medio Ambiente rexeitou onte a existencia destas placas de chapapote. Así, explicou que técnicos deste departamento se desprazaron a ambas as dúas praias "e non encontraron nada”. Non obstante, a Xunta tamén decidiu que os seus técnicos permanezan todo o día na zona" .


http://www.galicia-hoxe.com/periodico/20050302/Viv...